«Prøysenfolk» heiter framsyninga der arva etter Alf Prøysen blir tolka av anerkjende songarar.

- Sondre Bratland skal framføre «Hårrdagsvisa». Dette er ei sjeldan Prøysen-vise, seier Annette Winkelmann, som er dagleg leiar i Telemarkfestivalen.

TOLKER VISER

Folkemusikarane Sondre Bratland, Ingebjørg Harman Bratland, Unni Boksasp, Jon Anders Halvoren og Tuva Syvertsen har velt ut to Prøysen-låter kvar. Det er Bø-musikaren Jon Solberg som står bak prosjektet.

- Meininga er å vise korleis det høyrast ut når folkemusikarar tolkar visene til Prøysen, seier Winkelmann.

Dette blir opningskonserten på festivalen 21. juli.

RESTEN AV PROGRAMMET

Telemarkfestivalen slapp også resten av programmet sitt i dag. Der finn du mellom anna «Hans Børli - no med kvinnehand», der Anne Marit Jacobsen presenterar skogens diktar saman med to medmusikantar. Elles finn du bestillingsverket «Blåbærtur» av Jon Rørmark. I år er bestillingsverket for barn. Det blir også blanding av folkemusikk og reggae når SVER feat. Snakka San entrar scena i løpet av festivalen. Slagr og Glima er blant resten av artistane du kan lese meir om i MORGONDAGENS TA.